Mii gáiddusdulkon lea?
Gáiddusdulkomiin oaivvildit dulkondilálašvuođa, mas unnimustá okta oasseváldi lea fysalaččat sierra báikkis ja lea earáiguin govva- ja/dehe jietnaoktavuođas.
Gáiddusdulkoma sáhttit ollašuhttit ee. videoráđđádallanrusttegiiguin, 3 G -telefovnnain dehe govdafierbmeoktavuođain ja web-kamerain.
Gáiddusdulkon fállá áššehassii vejolašvuođa iehčanas áššiid dikšumii iežas gillii ja lasiha sihke áššehasa iešráđálašvuođa ja dásseárvvu. Gáiddusdulkon heive buoremusat oanehis áššedikšundilálašvuođaide. Dákkárat leat ovdamearkka dihte áiggi várren, dearvvasvuohtafuolahussii gullevaš áššiid dikšun nugo maiddái áššiid dikšun virgeolbmuiguin.
Dulkoma lea muhtumin váttis ordnet, jos dulkondárbu boahtá ovdan oanehis ráhkkananáiggiin. Go oassi dulkonbálvalusas ollašuhtto gáiddusdulkomiin, de bastit geavahit resurssaid beaktileappot.